ဒီမိုကရေစီတိုက်ပွဲ ရှုံးတဲ့သူ ဘယ်သူလဲ
မောင်လွင်မွန်(ကသာ)
ဒီမိုကရေစီ တိုက်ပွဲကို
သမိုင်း တလျှောက် ပြည်သူ လူထုတွေ ဆင်နွဲ ခဲ့ကြသည်။ ယခုတိုင်လည်း ကမ္ဘာကြီး အနှံ့ ဆင်နွှဲ
နေကြဆဲ ဖြစ်သည်။ တိုက်ပွဲ အောင်မြင်ခြင်း ရှိသလို ဆက်လက် ဆင်နွဲ နေရခြင်း များလည်း
ရှိသည်။ ဒီမိုကရေစီ တိုက်ပွဲ၌် အောင်ပွဲရပြီ ဆိုသောအခါ ရှုံးသွားသူ တွေက ဘယ်သူတွေ များလဲ။
သာမန် အားဖြင့် ကြည့်လျှင် အာဏာ လက်လွတ် သွားသူများ၊ လုပ်ပိုင်ခွင့်များ လက်ဝါးကြီး
အုပ်ထား ခြင်းမှ လျှော့ပေး လိုက်ရ သူများ ရှုံးသွား သည်ဟု မြင်ကောင်း မြင်နိုင်သည်။
သို့သော် အခြား ရှုထောင့်
တစ်ခုမှ ကြည့်သောအခါ သူတို့တတွေ သည်လည်း ပြည်သူ့ အစိတ်အပိုင်း အနေဖြင့် အများ နည်းတူ
ဒီမိုကရေစီ အခွင့်အရေး များကို တန်းတူ ရရှိ သွားမှုကို မြင်နိုင် ပါသည်။ ယခင်က အာဏာ လက်ကိုင် ရှိစဉ် အကာ အကွယ် ရရှိခဲ့မှု
မှန်သမျှသည် အာဏာ လက်လွတ်ပြီ ဆိုသည်နှင့် အကြွင်းမဲ့ ဆုံးရှုံး သွားရပြီး ဥပဒေမဲ့ နှိပ်ကွပ်
ခံရမှုမှ အကာ အကွယ်မဲ့ ဖြစ်သွားမလား ဟူသော သောကမျိုး ဒီမိုကရေစီလူ့ဘောင်တွင် ပူပန်စရာ
လိုမည် မဟုတ်ပေ။
“တိုက်ပွဲ” ဟု ဆိုတိုင်း
အောင်နိုင်သူ ရှိသလို ရှုံးနိမ့် ပျက်သုန်း သူလည်း ရှိမည်ဟု မဆိုနိုင်ပေ။ ဥပမာ ဆင်းရဲ
နိမ့်ပါးသော ပညာမဲ့ ဘဝမှ လွတ်မြောက် ရေးအတွက် ဘဝ တိုက်ပွဲကို ဆင်နွဲရသော လူငယ် တစ်ဦးသည်
ဆင်းရဲ ငတ်ပြတ် ခံပြီး အားထုတ် ကြိုးပမ်းရင်း ဘဝတိုက်ပွဲကို အောင်နိုင် သောအခါ ယခင်က
မမျှော်မှန်း နိုင်ခဲ့သော ပညာတတ် တစ်ဦး၊ လူတန်းစေ့ နေနိုင်သူ တစ်ဦး ဖြစ်လာမည်။ သူက
တိုက်ပွဲ အနိုင်ရ သော်လည်း သူ့တိုက်ပွဲတွင် ရှုံးနိမ့်သူ မရှိပါ။ ဘဝ အတွေ့အကြုံ ရင့်ကျက်သူ
တစ်ဦး အနေဖြင့် နောက်ထပ် ဘဝ တိုက်ပွဲ အောင်နိုင်သူ များကိုပင် သူက ထပ်ဆင့် မွေးဖွား
ပေးနိုင် ပေလိမ့်မည်။
အခြား ဥပမာ တစ်ခုကို
ကြည့်ရလျှင် ၈၈ လူထု လှုပ်ရှားမှုသည် အကြွင်းမဲ့ ရှုံးနိမ့် သွားခဲ့ သည်ဟု အချို့က ယူဆ
ကြသည်။ တကယ်တော့ ရည်မှန်းသည့် အတိုင်း မပေါက်မြောက် ခဲ့နိုင် သော်လည်း ၈၈ လှုပ်ရှားမှုမှာ
အသီး အပွင့် တချို့ကို ယနေ့ လူများစု ခံစား နေရ သည်သာ ဖြစ်သည်။ ၈၈ လှုပ်ရှားမှု ကြောင့်
တစ်ပါတီ အာဏာရှင် စနစ် ပျက်သုန်း ခဲ့သည်။ ဗဟို ချုပ်ကိုင်သော စီးပွားရေး စနစ် အစား
ဈေးကွက် စီးပွားရေး စနစ် ပေါ်လာ သည်။ ယခင်က မီးခြစ် ရေနံဆီ ဖယောင်းတိုင် ကအစ တန်းစီ
ဝယ်ရသော ဘဝမှ လွတ်ကင်း သွားပြီး လွယ်လင့် တကူ ဝယ်ယူ နိုင်သော ဘဝကို ရသည်။ ပြည်သူ့ ဆိုင်၌်
ဟိန်းဟောက် ခံပြီး ဝယ်ရ၊ မှောင်ခို မတန်တဆ ပေးဝယ်ရ၊ ပစ္စည်းတု များဖြင့် အလိမ် ခံရ စသော
ဘဝမှ တစ်ခွန်း ဈေးဖြင့် ပစ္စည်းမှန်ကို အချိန် မရွေး ဝယ်နိုင်ခွင့်၊ ပြည်ပလုပ် ပစ္စည်းများ
အလွယ် တကူ ဝယ်ခွင့်ကို ရကြသည်။ တစ်ဖက်တွင်
စီးပွားရေး လုပ်ငန်းရှင်တို့ အနေဖြင့်လည်း ပုဂ္ဂလိက စီးပွားရေး လုပ်ငန်း များကို လွတ်လပ်စွာ
လုပ်ပိုင်ခွင့် ရလာ ကြသည်။ ထိုသော အခါတွင် ယနေ့ ပုဂ္ဂလိက လုပ်ငန်း များကို ရှေ့ဆုံးမှ
ရင်းနှီး မြုပ်နှံ လုပ်ကိုင် နေသူ အများစု မှာ ၈၈ လူထု လှုပ်ရှား မှုတွင် ပါဝင် ခဲ့သူများ
မဟုတ်ရုံ မက အချို့ ဆိုလျှင် ယင်း လှုပ်ရှားမှုကို ပြင်းထန်စွာ ဆန့်ကျင် ခဲ့သူများ ပါဝင်
နေသည်မှာ အများ အသိ ဖြစ်ပါသည်။
သို့သော် ကျွန်တော်တို့
အနေဖြင့် ၈၈ လှုပ်ရှား မှုကို မထောက်ခံ ခဲ့လျှင် ယင်းအသီး အပွင့်ကို မခံစားရဟု ဘယ်သူကမှ
ကန့်သတ်ပိတ်ပင်မှာ မဟုတ်ပေ။ ယနေ့ စူပါမတ်ကက်ကြီးများကို ဖွင့်လှစ်ရောင်းချ သူများရော
အားပါးတရ ဝယ်ယူ နေသူ များပါ ယင်း အခွင့် အရေးများ အလို အလျောက် ဖြစ်တည် လာသလို သဘော
ထားမိကောင်း ထားကြ လိမ့်မည်။ ယင်း အပြောင်းအလဲ များကို ၈၈ အရေး အခင်းတွင် အသက် သွေးများ
ရာထူး စည်းစိမ်များ ဘဝ များကို စွန့်လွှတ် စတေး သွားခဲ့သူ တို့၏ အသီး အပွင့်ဟု သတိ ရသူက
အနည်းစု ဖြစ်လိမ့်မည်။ သို့သော် ကျွန်တော် ဆိုလို သည်က ၈၈ အရေး
အခင်းတွင် မည်သည့် ဖက်က ပါခဲ့သည် ဖြစ်စေ ၈၈ အရေး အခင်း၏ အသီးအပွင့် အချို့ ဖြစ်သော
ယနေ့ စီးပွားရေး လွတ်လပ်ခွင့်၊ နိုင်ငံရေး လွတ်လပ်ခွင့် တို့ကို တန်းတူ ရည်တူ (အချို့
ဆိုလျှင် တန်းတူ ရည်တူ ပင်မက) ခံစားခွင့် ရကြ သည်သာ ဖြစ်သည်။ ယခင်က တစ်ပါတီ စနစ်သာ
ကောင်းသည်၊ ပါတီစုံ စနစ်က မည်သို့ ဆိုးသည်ဟု ဆိုခဲ့ ကြသူ များလည်း ယနေ့ ပါတီစုံစနစ်ထဲတွင်
လွတ်လပ်စွာ ပါတီ ထူထောင် လုပ်ကိုင် နေကြ သည်မှာ အများ အမြင် ဖြစ်သည်။
အလားတူ ယခင်က ဗဟို
ချုပ်ကိုင် သော စီးပွားရေး စနစ်ကို အူလှိုက် သည်းလှိုက် ထောက်ခံ ခဲ့သူ များက ယနေ့ နာမည်ကြီး
ကုမ္ပဏီကြီး များ၏ ပိုင်ရှင် များအဖြစ် ကြီးပွား ချမ်းသာ နေကြ သည်ကို မြင်နိုင် ပါသည်။
ထို့အတူ တစ်ခေတ် တစ်ခါက လွတ်လပ်စွာ ရေးသား ခွင့်ကို ချုပ်ချယ် မှုတွင် တစ်တပ် တစ်အား
ပါဝင်ခဲ့သူ တချို့လည်း ယနေ့ လွတ်လပ်စွာ ထုတ်ဝေ ပုံနှိပ် လုပ်စား ခွင့်ကို ရှေ့ဆုံးက
ရနေ သည်ကို မတွေ့ ချင်မှ အဆုံး ဖြစ်ပါသည်။
သို့ဖြစ်ရာ ကျွန်တော်တို့ အနေဖြင့် လက်ရှိ
အခွင့် အရေး ခံစားမှုများ အပေါ် သူတို့၏ အတိတ် သမိုင်း များနှင့် ယှဉ်ပြီး ကန့်သတ် မှုများ
လုပ်စရာ အကြောင်း မရှိပါ။ သို့သော် သူတို့၏ စီးပွားရေး လူမှုရေး နိုင်ငံရေး ဆိုင်ရာ
အခွင့် အရေး များသည် အများ နည်းတူ ထက် မပိုသင့် ဆိုသည်ကို ဥပဒေ စည်းကမ်းများ အရရော
ကိုယ်ကျင့် သိက္ခာ အရပါ ထိန်းကျောင်းပြီး သူတို့ကို ပစ္စုပ္ပန် ဒီမို ကရေစီ စည်းဝိုင်း
အတွင်းသို့ ဆွဲသွင်း ဖို့သာ လိုပါမည်။ လွန်ခဲ့သော နှစ်အစိတ်
ခန့်က ဒေါ်အောင်ဆန်း စုကြည်နှင့် အလွတ် သဘော ပြောဆိုခွင့် ရခဲ့သော စကားဝိုင်း တစ်ခုတွင်
ဒေါ်အောင်ဆန်း စုကြည်က “ဒီမိုကရေစီနဲ့ အာဏာရှင် တိုက်ပွဲမှာ အာဏာရှင် နိုင်သွားရင် ဒီမိုကရေစီက
ခံပေ တော့ပဲ၊ အဲ .. ဒီမို ကရေစီ နိုင်သွား ရင်တော့ အာဏာရှင်က ဘာမှ မထိခိုက်ဘူး၊ ဘာဖြစ်
လို့လဲ ဆိုတော့ သူလည်း ဒီမို ကရေစီ ရသွား တာကိုး” ဆိုသည်ကို အမြဲ သတိရ နေမိသည်။ ဒါကြောင့်
ဒီမိုကရေစီ တိုက်ပွဲမှာ နိုင်သူသာ ရှိပြီး ရှုံးသူ မရှိ ဆိုသည်ကို အားလုံး သဘောပေါက်
လာလျှင် ဒီမိုကရေစီ လူ့ဘောင် ထဲမှာ အရင်းအနှီး ရှိသူ၊ ပညာ တတ်သူ၊ အတွေ့ အကြုံ ပြည့်ဝသူ၊
ကျွမ်းကျင် တတ်မြောက်သူ၊ တီထွင် ဖန်တီး နိုင်သူတို့ ပေါင်းစည်းပြီး မျှတသော ခံစားခွင့်ကို
တန်းတူ ရည်တူ သိက္ခာ ရှိရှိ ရယူ နိုင်ဖို့ ဝိုင်းဝန်း ဖန်တီး ရပါလိမ့်မည်။
တိတ်တိတ် “ပေါင်း”
စားလျှင် အရိုး မမျက်နိုင်ဟု ဆိုကြ သော်လည်း စားပို့နင့် နိုင်ပါသည်။ “ပေါင်း” စား
သည်ထက် “ခွဲ” စားရာမှ ရရှိသော အကျိုး ရလာဒ် သာမက ပီတိကိုပါ ရယူ ခံစား တတ်မည် ဆိုလျှင်
“ခွဲဝေ” စားခြင်း၏ သိက္ခာ ရှိမှုနှင့် အရှည် သဖြင့် အေးချမ်း တည်ငြိမ်မှု တန်ဖိုး တို့ကို
ရရှိပါ လိမ့်မည်။ ဒီမိုကရေစီ တိုက်ပွဲမှာ မိမိလည်း အောင်နိုင်သူ အဖြစ် လူတိုင်း သိမြင်
ခံစား နိုင်ပါ စေဟု ဆန္ဒပြုမိ ပါသည်။
0 ခု - မှတ်ချက်ရှိသည်:
Post a Comment